ԱՀԱՀՊ և ՀԳՊԱ կացության ծրագիր.
Դիմելու վերջնաժամկետ․ Մարտի 10, 2025 թ․:
Կացության ժամանակահատված․ 2025 թվականի գարնանը երկու շաբաթ Նյու Յորքում, այնուհետև չորս շաբաթ Երևանում:
Խոսակցական անգլերենի իմացությունը պարտադիր է։ Կարճ ցուցակում ընդգրկված թեկնածուները հարցազրույց կանցնեն անգլերենով:
Ադամյան Հովսեփյան Արվեստի Համադրողական Պրակտիկան (ԱՀԱՀՊ) Հայաստանի Գեղարվեստի պետական ակադեմիայի հետ համատեղ հայտարարում է արվեստի կացության ծրագիր Ակադեմիայի՝ Հայաստանում ապրող և ստեղծագործող հայ ուսանողների և շրջանավարտների համար (վերջին հինգ տարվա շրջանավարտ):
Ընտրված դիմորդը կացության առաջին երկու շաբաթը կանցկացնի Նյու Յորքում և հնարավորություն կունենա ծանոթանալու Նյու Յորքի արվեստաշխարհին, կապ հաստատելու ոլորտի մասնագետների հետ: Հայաստան վերադառնալուն պես նա ևս չորս շաբաթ կշարունակի աշխատել Ակադեմիայում։ Այս ընթացքում նա պետք է ստեղծի նոր աշխատանք, որի համար պետք է իրականացնի նաև անհրաժեշտ հետազոտություն:
Ընտրված դիմորդը կստանա ավիատոմս, բնակարան Նյու Յորքում և շաբաթական թոշակ: ԱՀԱՀՊ-ն կկազմակերպի այցելություններ թանգարաններ, պատկերասրահներ, արվեստանոցներ, արվեստի տոնավաճառներ, ինչպես նաև հնարավորություն կստեղծի հաճախելու դասախոսությունների և արվեստին առնչվող այլ միջոցառումների:
Նախապատվությունը կտրվի այն դիմորդներին, որոնց ստեղծագործական աշխատանքը սերտորեն կապված է տեղական և համայնական խնդիրների հետ։ Դիմորդները պետք է նաև նշեն, թե այս ծրագիրը ինչով է օգնելու նրանց իրենց ստեղծագործական գործունեության տվյալ փուլում:
Կացության պահանջներ․
1. ԱՀԱՀՊ-ն իր հայեցողությամբ կընտրի մեկ աշխատանք կա՛մ ընտրված դիմորդի պորտֆոլիոյից, կա՛մ կացության ընթացքում ստեղծաված աշխատանքներից:
2. Ծրագրի վերջում ընտրված դիմորդը պետք է Ակադեմիայում հանրությանը ներկայացնի Նյու Յորքից ստացած իր տպավորությունները, ինչպես նաև նոր ստեղծված աշխատանքները։
Դիմումի պահանջներ՝
• Պորտֆոլիո, որտեղ ներկայացված կլինեն դիմորդի վերջին և ամենաբնութագրական աշխատանքնքները
• Անձնական կայքէջի հղում
• Դիմորդի ստեղծագործական մոտեցումը ներկայացնող տեքստ (300 բառ)
• Հակիրճ կենսագրություն կամ CV
• Դիմում նամակ այն մասին, թե դիմորդն ինչ է պատրաստվում իրականացնել կացության ծրագրի ընթացքում։
Ընտրության գործընթաց․
Դիմորդին ընտրում է արվեստաբանների, համադրողների, արվեստագետների և մշակութային այլ մասնագետների միջազգային հանձնաժողովը։ Դիմորդներից ընտրվելու է մեկը։
Դիմորդները ընտրության արդյունքների մասին կիմանան 2025 թվականի մարտի 31-ին։